المساعد الشخصي الرقمي

مشاهدة النسخة كاملة : فتحية ادت زمبة لسنية


مشتاقة للكعبة
07-02-2011, 09:09 PM
http://lmada.com/vb/mwaextraedit4/extra/81.gif







فتحيّة : ألووووووووو

سَنيّة : أهلا يا توحة ازيك ؟

فتحية : مين سنسن ازيك انتي وعامله ايه ؟

سنية : الحمد لله ياختي بصي عندي ليكي خبر حلو

فتحية : خير ان شاء الله

سنية : فتكات بنتـي اتخطبت لمحسن ابن الأستاذ مسعود جارنا

فتحية : لولولولولي مبروك يا حبيبتي

سنية : الله يبارك فيكي عقبال بنتك رَوحيّة يا رب

فتحية : يا رب


سنية : طبعا ح تشرفونا

فتحية : فين؟

سنية : هنا في بيت أبوها وكتب الكتاب في المسجد

فتحية : ايه ده ! الخطوبة في البيت ؟ هوّ بيتكم حايكفي أهل الشارع والجيران ؟ ده حتى عيلتكم كبيرة

سنية : ح يكفّي بس قولي ان شاء الله


فتحية : ان شاء الله ويا ترى جبتم الشبكة ؟

سنية : أمال ايه ...إسورة وخاتم زي العسل

فتحية : ايه إسورة وخاتم بس ! ده انتي بنتك تستاهل تُـقلها دهب

سنية : الله يخليكي المهم السعد


فتحية : لا لا لا لا يا سنية انتو اتساهلتوا ..لازم العريس يدفع علشان يحس بقيمة عروسته, كده رخّصتوها

سنية : تفتكري ياختي ؟

فتحية : طبعا ولازم يجيبلها أحسن فستان كمان

سنية : بس هي ح تلبس فستان أختها

فتحية : ايه....ده كلام ؟ ...دي ست العرايس

سنية : طب أعمل ايه ياختى ده خلاص الخطوبة بكره ؟

فتحية : كلّمي أبوه وأمه واتمسكي بموقفك .. لازم يجيب لها فستان ويزوّد الشبكة وأعملوا الحفلة في نادي


سنية : بس انتي عارفة جوزي ما بيحبش كده

فتحية: خلاص خليكي كده سلبيّـة وسيبي بنتك تتهان وتتباع رخيصة , فين الايجابية؟

هو انتي ياختي ما سمعتيش عن صناع الحياة واللي بيعملوه

سنية : آه سمعت في التليفزيون

فتحية : خلاص أعملي حاجه بسرعة

سنية : أنا ح أقفل معاكي وأكلم أهل محسن

وفـعلاً.. استجابت سنية لوسوسة فتحية وكلمت العريس وأهل العريس


واتفركشت الجوازة




وعيّطت فتكات ... ومرت الأيام وفي ليلة من الليالي سمعت سنية زغـروطة كبيرة ولولبيّـة

سنية : فتكات

فتكات : أيوه يا ماما

سنية : سامعة اللي أنا سامعاه ؟

فتكات : اهيء اهيء أيوه يا ماما

سنية : دي زغـاريـط ..يا ترى منين؟

فتكات : من عند طنط فتحية

سنية : الله...روْحيّـة اتخطبت ؟

فتكات : اهيء اهيء أيوة يا ماما


سنية : طب بتعيطي ليه..عقبالك يا نور عيني...ما تزعليش

فتكات : عارفة اتخطبت لمين يا ماما ؟

سنية : لأ...اوعي تقولي

فتكات : محسن يا ماما .. وقدّم لها نفس الإسوِرة والخطوبة ح تكون في بيتهم مش في النادي.. وكمان لبست فستان بنت عمها

إهـيء إهـيء
إهـيء إهـيء


عجبتنى جدا فنقلها لكم

حفيدة عائشة
07-02-2011, 09:16 PM
هههههههههههههههههههههههههه
لا حول ولا قوة إلا بالله
الحقد يابنتي يعمل أكتر من كده
اللهم إنا نسألك العفو والعافية
تسلمي ياقمر
http://www.gaanaa.net/vb/../up/uploads/images/gaanaa-b4ada59c0f.gif

زهرة الأقصى
07-02-2011, 09:29 PM
http://www.gaanaa.net/up/uploads/images/gaanaa-b4ada59c0f.gif
هههههههههههههههههه
روووووووووووووووووعة
جــــــــزاكِ الله كل خير
يمكن جاي على شكل مزحة أو شي
بس فعلاً زي ما حكت الحبيبة شوشو
الحقد بيعمل أكتر من كده

http://4.bp.blogspot.com/_wJqgsR1RFbc/SQS1jMQJ1kI/AAAAAAAAB-s/sC6b292aHW8/s400/%D8%A7%D8%B3%D8%B9%D8%AF%D8%AA%D9%85%D9%88%D9%86%D 8%A7.gif

جنى
07-02-2011, 10:09 PM
لا حول ولا قوة الا بالله
هي ناقصة
هههههههههه
تسلمى ياجميل

أم البدرين
07-03-2011, 01:07 AM
طبعاً دي النتيجة المتوقعة
خليها تشرب بقه .. ههههههههههه

http://www.gaanaa.net/vb/../up/uploads/images/gaanaa-c0ae4bbebc.jpg

ندى
07-03-2011, 09:13 AM
و اللهى فعلا بيحصل..وحصلت كتير..
اعوذ بالله من شياطين الجن و الانس..والانس بالذات لانهم افظع..اخ منها فتحية اللئيمة..ههههههه

يا رب استر بنات المسلمين
http://www.gaanaa.net/up/uploads/images/gaanaa-044a081c63.gif

عصفورة الجزائر
07-22-2011, 12:07 PM
ههههههههههههههههه

تستاهل لانها سمعت كلامها

من غير ما تفكر...

يسلمووووو