المساعد الشخصي الرقمي

مشاهدة النسخة كاملة : افكار لسحور رمضان يا بنات من يقول؟


نمنمن
06-13-2015, 05:55 PM
http://gaanaa.net/vb/mwaextraedit4/extra/29.gif

اللهم صل وسلم وبارك على سيدنا محمد وعلى اله وصحبه وسلم

كل سنة وانتوا طيبيين يا احلى بنات وستات

التعداد شغال
ايام قليلة باذن الله وندخل فى الشهر الفضيل
علشان كدة بكتب الموضوع ده
الموضوع ده فكرته ان كل عضوة تدخل تحط وصفة معينة للسحور
احنا طبعا السحور اساسى زى الفطار ويمكن اكتر كمان
لان الفطار فى الحر ده وبعد الصيام بيعتمد على شرب الماء والعصائر

علشان كدة قولت نتكلم عن السحور

اولادى الصغيريين هيصوموا السنة دى باذن الله
وعايزة اعملهم سحور يحبوه وفى نفس الوقت جسمهم مايضعفش خلال الصيام وكمان عايزاه مايحسسهمش بالعطش والجوع

طبعا انا مش بتكلم عن ولادى بس انا بتكلم عامة
علشان كدة عايزة كل جنجونة حلوة منكوا تدخل تحط وصفة للسحور وانا هبدا بنفسى

السحور عندى لازم لازم لازم يكون فيه فول
ده اساسى عندى فى البيت
لان الفول بيفضل فى المعدة فترة اطول

وكمان الزبادى علشان يريح المعدة طول فترة الصيام

الفول والزبادى انا نزلت طريقتهم بالصور قبل كدة
بالنسبة للفول ممكن ننوع
يعنى ممكن بالزيت الحار
وممكن بالسلطة
وممكن بالدقة
وممكن بالتقلية
وممكن بالثوم
وممكن بالبيض
الى اخره

وبعمل جنب الفول صنفيين بس غير الجبنة البيضاء
لان الشهر طويل
ولو حطيت 5 او 6 اصناف وتانى يوم حطيت نفس الاصناف وثالث يوم نفس الاصناف
الاولاد هيزهقوا ومش هياكلوا
علشان كدة بقول كفاية نوعيين مختلفيين جنب الفول والجبنة البيضاء
طبعا غير العصائر والخشاف على السحور
وبرضوا كفاية نوعيين عصير مختلفيين
يعنى ماينفعش احط انهاردة كركديه وتمر هندى وقمر الدين وخروب ودوم وسوبيا
وتانى يوم احط نفس الحاجات

دى نبذة مختصرة عن السحور الاسرى بتاعى
انتوا ايه رايكوا وبتعملوا ايه عندكوا

وكل سنة وانتوا والمسلميين بخير

استودعكم الله


افكار لسحور رمضان يا بنات من يقول؟
افكار لسحور رمضان يا بنات من يقول؟
افكار لسحور رمضان يا بنات من يقول؟

سهام
06-13-2015, 09:38 PM
هو اللي انتي قولتيه ده

نفس اﻻصناف اللي قولتيها

اﻻساسي فول وزبادي او لبن

نمنمن
06-14-2015, 11:03 AM
هو اللي انتي قولتيه ده

نفس اﻻصناف اللي قولتيها

اﻻساسي فول وزبادي او لبن
كل سنة وانتى طيبة يا سهام يا عسل
كويس ان فى حد بيتسحر زيينا
بس انتوا بتفضلوا طول الشهر كدة ولا بتزودوا صنف كل يوم مختلف

امه الله محمد
06-25-2015, 04:45 PM
وعليكم السلام ورحمة الله وبركاتة
مشكوووورة علي الافكار الرائعة

نمنمن
06-28-2015, 12:56 PM
وعليكم السلام ورحمة الله وبركاتة
مشكوووورة علي الافكار الرائعة
وعليكم السلام ورحمة الله وبركاته
تسلميلى يا امه الله
بس مقولتيش ايه افكارك للسحور

كنوز للسياحة
12-28-2016, 12:56 PM
سبحان الله وبحمده ... سبحان الله العظيم

نجاحهنا
03-05-2018, 05:37 PM
الـسـلآمـ عـلـيـكمـ ورحـمـة الله وبـركـآتـه
موضوع قمة في الـروعـة شـكـرا جـزيـلا
مع اطيب أمنياتـــــــــي لك من القلب
بدوام المزيد من التقدم والنجاح

فريدة عمر
04-25-2019, 02:39 PM
وعليكم السلام ورحمة الله وبركاتة
كل عام وانتم بخير