المساعد الشخصي الرقمي

مشاهدة النسخة كاملة : الوضع هيستنى كذلك ..


كــــايو
06-08-2015, 10:20 PM
ولأن مافيش خطة بديلة
ف الوضع هيستنى كذلك
عايش بتفرج مش أكتر
وبرغم ده كله - ومع ذلك -
أنا فاهم عشمِك ..وبحبُه
ومِقَدَر جدا ..ولذلك
لو ناوية الحرب مع الدنيا
راح أكونلِك درعِك في نِزالك


واذا قَلبت عَركة أبقى طبنجة
وسيوف .. وخناجر .. وكزالِك
وان جيتي في مرة وعَزلتي
روحي تفضى لروحِك .. وعِزالِك
هتشَّيك وأضحك وأتصور
وبصورتي تغيظي في عُزَّالِك
هنسى اني أساسا مش راكز
وأصبحلِك مركز ومحطة
وأغزل ببواقي الحيل .. يَشمَك
لو حابة عيونِك تتغَطَى
همشي في طُرقاتِك قبليكي
عسى خط أثار قدمي يدلِك


وأعمل لِك راوي على ربابة
ولحد الحكايات ما تملِك
هبقالِك - لو حتى لفترة -
زي ما تتمني اني أبقالِك
لكن تحذيرِك شئ واجب
الوضع هيستنى كذلك



لــ amr abo zeed