المساعد الشخصي الرقمي

مشاهدة النسخة كاملة : أنا مش دبدوبِك يا حبيبتي


كــــايو
04-05-2015, 10:21 PM
السلام عليكم





أنا مش دبدوبِك يا حبيبتي
ولا لعبه هتفضل تسمعلِك
لا كلامي هينقَص فـ غيابِك
ولا عيني هتفضل تدمعلِك
و غيابِك أو بُعدِك عادي


بالعكس أنا كنت فـ زنزانه
في حاجات لو طالِت بتبوَّخ
و في ناس ناسينها و فاكرانا
أنا كنت صغيَّر فـ عنيكي
و مُسكِّن وقت أما تحبّي


دا أنا كُنت بشيلِك فـ عنيا
وقت أمّا تخافي و تتخبّي
أنا آسِف جداً مش هقبِل
أسكُن و أتعلَّق على رفِّك
لا عنياً هتحضُن أوجاعِك


ولا كفّي يطبطب على كفِّك
أنا كُنت عبيط للدرجادي
و بنفِذ كل اللّي فـ بالِك
أنا آسِف علشان ماشبهشي
ولا أطول أتعلَّق بجمالِك


و أنا مش مكسوف منِّك بالعكس
كل الموضوع إن أنا متهان
و خلاص قررت لا هتعلَّق
ولا أحِب و أسلِّم زي زمان !!


لــ \ محمد هشام رجب