المساعد الشخصي الرقمي

مشاهدة النسخة كاملة : شيش طاووق وطريقة عمايله


كــــايو
06-18-2014, 01:44 PM
http://www.gaanaa.net/up/uploads/1382425244887.gif



http://www.gaanaa.net/up/uploads/1403098926621.jpg


بابسط الطرق هنعمل احلي والذ شيش طاووووق


المفروض انه بيتعمل باوراك الفراخ بس انا بعمله باي فراخ وبحب الصدور اكتر وبيبقي تحفففه

بقطع صدور الفراخ مكعبات

واتبلها بتتبيلتي الخاصه

معلقه صويا صوص

معلقتين كاتشب

معلقة خردل

معلقتين باربيكيو صوص

معلقة ثوم بودر

بصله مفروم ناعم جدا ً جداً جداً

معلقتين زيت زيتون

عصير ليمون

معلقه خل تفاح

ملح

فلفل اسود

بهارات مشكله


كل ده بحطه ف الفوود بروسيسور وبفرمه لحد ما يبقي دىذي الصوص

بحط فيه قطع الفراخ


بولع فحمه واحطها علي ورقة فويل اوالافضل ورقة بصل كبيره

واحط الفحمه في وسط طبق الشيش طاووووق وانزل عليها نقطتين زيت او قطعه صغيره زبده

واغطي الطبق بسرعه واحطه ف الثلاجه شويه


بعد كده بقطع فلفل اخضر وطماطم وبصل مكعبات

وهستخدم اعواد الشوي الخشب

وهبتدي احط بالتتابع طماطم بصل فراخ فلفل وهكذا

لحد العود ما يتملي


طبعاً اذا مش بتحبي حاجه فيهم ممكن تستبدليها



هرص الشيش طاوووق في صينيه مدهونه زيت

واغطيه وادهله الفرن اللي بسخنه كويس جداً

علي اعلي درجه

ممكن طبعا نستخدم الجريل ونشوي الشيش طاوووق

بس عن تجربه الفرن افضل عشان ما ينشفش


بوزع عليه لما يخرج باربيكيو صوص

وبقدمه مع سلطه خضراء او كول سلو حسب المزاج

وثوميه وصوص باربيكيو مع الموزاريلا

نوربانو
07-11-2014, 04:47 AM
يعطيك العافية على روعة طرحك

مهرونيسا
09-08-2014, 01:34 PM
يعطيكي الف الف عافيه