المساعد الشخصي الرقمي

مشاهدة النسخة كاملة : متلازمة التحذلق النحوي


كــــايو
03-23-2014, 10:26 PM
واحد صاحبنا متعرفهوش شغال مصحح لغوي

يلاقي حد كاتب " ماهزا العبث !

يجري يقوله هذا * كما يجب وضع علامة إستفهام قبل علامة التعجب

أو يلاقي حد كاتب أنا علي وشك الإنهيار العصبي

يقوله انهيار بلا همزة

وطبعاً لما يلاقي حد بيتكلم في موضوع مهم ومندمج وبيقول الحكومات الغير مهتمة ..

ميفوتهاش طبعاً ولازم يحط التاتش بتاعه ويقوله غير المهتمة*

طبعاً كلنا عندنا الصاحب ده إن مكنش إنت منهم

تعرف إن العلماء بيعتبروا الموضوع ده مرض بالفعل ؟ اّه وربنا بيسموها متلازمة التحذلق النحوي


Grammatical Pedantry Syndrome بيعتبروه نوع من الوسواس القهري بيخلي المريض عنده رغبة بتصحيح أي خطأ لغوي

يشوفه لدرجة إنه ممكن ميركزش في الأفكار اللي مكتوبة أو المواضيع اللي أنت بتناقشها قد ما بيهتم بإنك حطيت همزة ولا لاء ومكان الفاصلة والنصب والرفع والضم


طيب إيه السبب ؟ العلماء بيقولوا إن فيه جين مهم جداً إسمه FOXP2 gene الجين ده لو حصل في أي طفرة هيخلي الإنسان يبقي عنده مشاكل في اللغة والكلام والنحو


في دراسات اتعملت اثبتت وجود بعض التغيرات في الجين ده عند الناس اللي عندهم " متلازمة التحذلق النحوي " تخليهم يصححوا أخطاء الاّخريين ^^