المساعد الشخصي الرقمي

مشاهدة النسخة كاملة : حياتي .. قصص من واقع الحياة .. شاركوناااا


أم البدرين
01-14-2014, 12:36 PM
http://www.gaanaa.net/up/uploads/138970208941.gif



لو تفتكروا زمان كان في برنامج إسمه حياتي كان بيعرضه التليفزبون المصري على قناته الأولى .. البرنامج كان بيعرض مشكلات و بيستضيف متخصصين لحلها ..

الفكرة دي هنفذها هنا في منتدانا مع بعض الاختلاف ..

هعرض عليكم يومياً قصة أو مشكلة إجتماعية تروى على لسان أصحابها و طبعا هي حقيقية و ليست من نسج الخيال و فعلا أصحابها بيعانوا معاناة شديدة و في حاجة للمعاونة لحلها .. و المطلوب من حضراتكم انكم تعرضوا الحلول من وجهة نظركم ..

منها نساعد الناس دي في إيجاد حلول لمشاكلها و طبعاً ده أجره كبير عند ربنا سبحانه و تعالى .. و من ناحية تانية اننا نستفيد من خبرات الآخرين ..


http://www.gaanaa.net/up/uploads/1389702089432.gif

و حرصت على عرضه في هذا القسم حتى نستفيد بأكبر قدر ممكن من الحلول للمشكلات المعروضة ..

يا ريت تشاركونا و ما تبخلوش علينا ..

http://www.gaanaa.net/up/uploads/1389702089432.gif

موضوعنا متجدد بإذن الله .. و بعنوان ..


حياتي .. قصص من واقع الحياة


http://www.gaanaa.net/up/uploads/1389702089443.gif

أم البدرين
01-14-2014, 12:44 PM
زوجي و الشمطاء..

بالله عليكم شوفوا مشكلتي و حاولوا تساعدوني لأني خلاااااااص على وشك الانهيار


انا ست متجوزة وبحب جوزي وبغير عليه جداً جداً
في وحدة ست نعرفها هي صاحبتنا اوي صاحبة العيله كلها
هي ست كبيرة يعني قد عمر امي اكبر مني ب 25 سنه بناتها صحابي
انا بشك انها حاطة عينها على جوزي لو كان ساكت بتكلمه لو كان قاعد لوحده تروح تقعد معاه وتحاول تقعد معاه لوحدهم ديمآ وانا قلت لجوزي اكثر من مرة انا بحس انها حاطة عينها عليك بس هو يآخذ كلامي بهزار ويقولي دي قد عمر امي ازاي تبقى معجبة فيا
بس والله انا بحس انها معجبة بجوزي
امبارح كنا موجودين عندهم ببص عليها .. كل شوية تبص لجوزي وتحاول تتكلم معاه
وتقوله تعال اقعد لو ماقعدتش انا مش حرتاح والله الكلام دة قدام جوزها وقدامي ولا كأننا موجودين..
وبعدها كل شويه تقول انت زعلان ليه انت ساكت ليه انت مالك ومش عارفه ايه
وبتقارن نفسها بيا كأنها بعمري اي لبس البسه تروح تشتري وتلبس زيه اي شيئ اتزين بيه تجري تشتري نفس حاجتي ..

طب انا اعمل معاها ايه وخايفه اقولها حاجه لتروح تقول لحماتي لانهم صحاب وانا مش عايزة حماتي تعرف اي حاجه عني
وكم مرة قلت لجوزي بلاش نروح عندهم وبردوا عايز يروح
وهو جوزي كمان لما يروح عندهم يآخذ راحته معاها بالكلام ومش عايز يخرج من بيتهم الا لما انا اقول له يلة نروح
وهي ديمآ عايزة تقعد معاه لوحدهم ومرة شفتهم قاعدين لوحدهم وقلت لجوزي كنتوا بتتكلموا على ايه قالي كانت بتشكي من جوزها وانها مش طايقاه ومش عارفه ايه
يعني انا مش شكي في محله طب ليه بتشكي من جوزها لجوزي ليه بتقوله انها مش طايقة جوزها معناه ايه ده؟!!
انا عايزة رآيكم انا خايفه علي جوزي منها وكمان كل كلامها تقول فلانه خطفت زوج فلانة
الراجل دة اتجوز علي مراته ومش عارفه ايه وهي اصلآ خطفت جوزها من مراته يعني جوزها قبل مايتجوزها كان متجوز وعنده ولاد كبار وهي رسمت عليه واتجوزها وبقت ضرة
يعني مش من حقي اخاف منها علي جوزي
انا عايزة رآيكم في موضوعي
ممكن يكون في علاقه فعلا بينها وبين جوزي و لا انا المغفلة و مش فاهمة حاجة ؟!!! http://forums.fatakat.com/images/dot.gif

جنى
01-14-2014, 02:45 PM
فكرة جميلة ام البدرين واهو لعل وعسى كلمة طيبة تقولها احدى الاخوات تفيدها بموضوع اخر

بالنسبة لرايي

البيت اللي الاخت بتتكلم عنه ان كانت فيه تقاليد وتعالم الدين الاسلامي فيه
فاكيد ماكنشي هايبقى فيه مشكلة
كل بيت وله حرمته
وان كان هناك زيارة من معارف لمعارف على سبيل الود فالاختلاط يكون في جماعات بمعنى انه الاخلاق تقول انه اي كلام لزوجها والمرأة المشار ليها اي حوار بينهم يكون بين مجموعه وتجمعات انما بمفردهم؟!! ازاي يعني حتى ان كانت بسن والدته
يمكن الزوجة بتغير بزيادة على زوجها
يعني هو حسب كلامها حسيت انه الزوج ينظر لها كام تانية له لكن كثر كلامها في الموضوع هي بنفسها هاتخليه ينظر اليها كانثى
نصيحتي لها انها تحافظ على بيتها بدون الحديث مع زوجها بالموضوع فقط تخبر زوجها انها لاتحبها وتطلب منه ان يقلل من الحديث معها احتراما لها وتقديرا لها كزوجته غض الظر عن الاسباب
بنفس الوقت قدر الاستطاع ان حدث لقاء تحاول انه مايكونوش لوحدهم تعزم حماتها مثلا وقتها بما انها صديقتها او اي اناس اخرين من الاقرباء بحيث انه لا يحدث انفراد وخلوة

أم البدرين
01-14-2014, 02:58 PM
فعلا يا جنى صدقتي

اللي يحتمي بالله و بقواعد ديننا الحنيف عمره ما هيلاقي اي صعوبات في حل مشاكله

لكن الست دي تعمل ايه و الست التانية دي بتحاول تستقطب زوجها بكل الطرق .. و بعدين ما فيش حاجة اسمها انه بينظر لها نظرة انها كأمه

أنا كمان معاكي في نقطة مهمة جداً و هي ان الزوجة قد تكون هي من لفت نظر زوجها للست دي


في إنتظاااار المزيد من الآراء

امنت بالله
01-14-2014, 03:14 PM
جميل الصفحة دى يا دودى

وبالنسبة للمشكلة المطروحة

اتفق مع كلام جنى جدا وكمان انا شايفة ان الست ممكن تكون بتهتم بزوج الشاكية من باب الترحيب والتقدير

لكن كونها تشكوا من زوجها له فدا غلط والأمثل بقا ان الست الشاكية تقلل التجمع مع الست دى يعنى مش كل مناسبة تروح

كمان تكون دوما بجوار زوجها وتهتم فيه وتحسسها ان زوجها لا ينظر لغيرها ولا يستغنى عن زوجته واولاده وبيته

كل دا ليس بالكلام بل بالتصرفات والعقل

وتهتم بنفسها و بزوجها أكتر حتى لا تعطيه فرصة أن يلتفت لاى رحيق خارجى

وربنا يحفظهم ويسعدهم

أم البدرين
01-14-2014, 03:37 PM
راااائع
أتفق معكي في موضوع التقليل من اللقاءات مع هذه السيدة
خاصة ان لها سوابق في المواضيع دي

بنت البدو
01-14-2014, 07:40 PM
موضووووووووع في قمةالررررررروعة

انا اقوووووووول ادعي ان الله يكفيك شرها ويرد كيدها في نحرها وادعي ان قلب زوجك ماينصر يمها الدعاء ي اختي يصنع المستحيل

حسبي الله ونعم الوكيل على من يفرق بين الزواج

نمنمن
01-14-2014, 08:09 PM
موضوع ممتاز كعادتك ام البدريين
بالنسبة لرايى
ممكن تكون الزوجة من النوع الغيور اصلا
وكمان فى مجتمعات او بعض العائلات بيسمحوا بالتجمعات مع الاغراب عادى وطبعا ده غلط جدا
فانا لو مكانها هتصرف كالاتى
اقول لزوجى ان الست دى انا مش برتاح لها
وكمان الست اللى تشتكى لراجل من زوجها تبقى ست مش محترمة
واقوله ان حرام انها تنفرد بيه فى اى مكان وان كلامها معاه لا يجوز شرعا
وكمان انا زوجى فى الحقيقة غييييييييييييييييييييييييييييييييييييييييييييييييو ر جدااااااااااااااااااااااااااااااااااااااا
فهقوله لو ترضى انى اتكلم مع زوجها عنك بالطريقة دى يبقى انا كمان هقبل كلامها عن زوجها معاك
وربنا يهديلى زوجى ويحفظه

أم البدرين
01-14-2014, 09:09 PM
موضووووووووع في قمةالررررررروعة

انا اقوووووووول ادعي ان الله يكفيك شرها ويرد كيدها في نحرها وادعي ان قلب زوجك ماينصر يمها الدعاء ي اختي يصنع المستحيل

حسبي الله ونعم الوكيل على من يفرق بين الزواج


فعلا أختي صدقتي فالدعاء يصنع ما نظنه مستحيل
بارك الله فيك

أم البدرين
01-14-2014, 09:11 PM
موضوع ممتاز كعادتك ام البدريين
بالنسبة لرايى
ممكن تكون الزوجة من النوع الغيور اصلا
وكمان فى مجتمعات او بعض العائلات بيسمحوا بالتجمعات مع الاغراب عادى وطبعا ده غلط جدا
فانا لو مكانها هتصرف كالاتى
اقول لزوجى ان الست دى انا مش برتاح لها
وكمان الست اللى تشتكى لراجل من زوجها تبقى ست مش محترمة
واقوله ان حرام انها تنفرد بيه فى اى مكان وان كلامها معاه لا يجوز شرعا
وكمان انا زوجى فى الحقيقة غييييييييييييييييييييييييييييييييييييييييييييييييو ر جدااااااااااااااااااااااااااااااااااااااا
فهقوله لو ترضى انى اتكلم مع زوجها عنك بالطريقة دى يبقى انا كمان هقبل كلامها عن زوجها معاك
وربنا يهديلى زوجى ويحفظه


ربنا يخليكي يا نمنمن
و يحفظ لك زوجك و يهديهولك
كلامك راائع فعلا
ربنا يهدي الجميع

انا بلبلة
01-15-2014, 08:04 AM
http://alkaif-lab.com/vb/mwaextraedit4/extra/49.gif

أم البدرين
01-15-2014, 02:11 PM
أهلاً بك أختي
نورتينا

http://alkaif-lab.com/vb/mwaextraedit4/extra/39.gif

سهام
01-15-2014, 11:39 PM
موضوع جميل





وحلول روعه

أم البدرين
01-16-2014, 04:43 PM
الأجمل مرورك أختي

أم البدرين
01-16-2014, 04:50 PM
الحااااااائرة

أنا يا بنات لسه متزوجة من 5 شهور تقريباً، عندي 24 سنة، من صغري وانا بره مصر.. ولحد دلوقتي عايشة مع أهلي وزوجي في الغربة.. اتخرجت من جامعة كويسة جداً الحمدلله، واتوظفت علطول..

أنا حملت بعد الزواج بـ10 أيام تقريباً.. ومن أول أيام الحمل تعبت جداً، وكان أي مجهود قليل ببذله كان بيحصل لي نزيف علطول.. ومع كده كنت بحاول على أد ما أقدر مقصرش في حقوق زوجي وكنت آجي على صحتي جامد عشانه.. حاولت محسسهوش بتعبي مع إنه كان عارف كويس حجم الألم اللي كنت فيه.. وفضلت كده لحد ما ربنا قدّر وأجهضت في نهاية الشهر التاني.. وكان الألم النفسي أكبر من الألم الجسدي.. لأن زوجي كان مطنشني.. وفي عز تعبي خاصمني تقريباً 3 أيام!! ومش عارفة السبب لحد دلوقتي! حاولت أكلمه وأعرف منه مردش عليا.. قلت يمكن متضايق عشان الإجهاض و مش عارف يعبر.. لحد ما في مرة سألته إيه اللي مضايقك؟ قال لي لما تبقي زوجة هبقى أقول لك!!
يعني جاي على اليومين اللي تعبت فيهم وشايفني بتقطع من الألم ومش قادرة أقوم بواجباتي تقول لي إني مش زوجة!!! حسيت إني مقهورة أوي وسكت والله ومعرفتش أرد عليه من القهر!!
وعدت الأيام ورجعت لطبيعتي الحمدلله وقلتله لازم نستنى شوية على الحمل بطريقة أو بأخرى عشان في كورسات أدوية لازم آخدها قبل الحمل التاني.. رفض وقال لي ده قدر ربنا.. وفعلاً حملت تاني بعد شهر وشوية.. وطبعاً دلوقتي تعبانة جداً وبرضه جالي نزيف.. والحركة بقت على الأد.. وحاسة إني مقصرة في حقه وحق البيت.. ده غير إن عندي اكتئاب حمل (أساساً من قبل الزواج كانت بتجيلي فترات اكتئاب وكنت باخدلها أدوية بتخليني أحسن، بس مع الحمل مقدرش آخدها)...
هو بقى الفترة هاملني جداً.. بيدخل البيت يسلم ويفضل قاعد على النت أو التلفزيون لحد بالليل، ويقوم ينام وهو مديني ظهره.. أحط الأكل نقعد ناكل من غير ما يتكلم.. ولو فتحت موضوع يرد بكلمتين وخلاص.. بيكلمني بجفاء جداً.. وأحياناً لما ينزل يسيب تليفونه في البيت! في اليوم اللي بنتجمع فيه عند أهلي كل أسبوع يخليني أروح وهو يفضل قاعد في البيت.. لما يلاقيني شايلة حاجة تقيلة ولا كأنه شايفني.. ممكن يعدي يومين وهو مش بيتكلم معايا أبداً.. بس لو شافني بعيط مثلاً يجي يقرب مني ويقول لي بحبك وكلام من ده.. ولما يلاقيني فرحت يقوم فجأة سايبني وطالع! وميسألش عني خالص...
مش عارفة أعمل معاه إيه.. حاولت كتير جداً أكلمه.. بيقول لي أنا لما بتضايق من حد بحبه مش بقول له عشان ميزعلش! قلتله بالعكس تماماً، لازم تعاتب وتتكلم عشان العلاقة تستمر ونعرف نحل المشكلة.. سكت ومرضيش يتكلم.. قلتله في مرة معلش أنا الفترة دي تعبانة من الحمل ومقصرة في حاجت كتير بس استحملني بقى لحد ما الشهرين دول بإذن الله يعدو على خير.. قال لي انتي مش مقصرة في حاجة !!!!!!!! طب فيه إيه طيب ؟؟؟؟
مش عارفة أتصرف إزاي.. ماما بتقول لي هو لسه متعودش يكون في حد يشاركه في حياته، وبكرة هيتعود وهياخد باله منك..
بس أنا محتاجة في الفترة حد يقف جنبي ويساندني، دايماً خايفة وقلقانة، وعلطول حزينة.. نفسي أحس بيه جنبي وبيدعمني.. مش قادرة أستحمل اللامبالاة.. محسسني إني زيي زي الكرسي في البيت.. مليش أي لازمة.. مش حاسة بالأمان معاه.. يعني لما أتعب يهملني تماماً، ولما أكون كويسة يبقى كويس - إلى حدٍ ما - .. أمال مين اللي هيقف جنبي في الحلو والمر؟!!

لسه جوايا مواقف وكلام كتير.. بس طولت عليكو جداً سامحوني.. يا ريت تنصحوني وتقولولي أعمل إيه وبإذن الله هاخد برأيكم..

انا بلبلة
01-16-2014, 05:26 PM
انا برائيي انك تختبريها
تقوليلها انا هاسيب جوزى
شوفيها لو لقتيها فرحت يباق عندك حق ولو لقتيها زعلت يبقا معندكيش حق
اية رائيك فيا بقا

أم البدرين
01-16-2014, 05:32 PM
ده طبعا حلك للمشكلة الأولى يا بلبلة
طيب لو اكتشفت انها فعلا عايزة تخطف زوجها منه تعمل إيه ؟
على فكرة المشاكل اللي بعرضها مش مشاكل خاصة بيا
دي مشاكل تروى على لسان أصحابها

لوجي
01-16-2014, 06:28 PM
موضوع حلو اوي الصراحه ومحتاج كمان قسم لوحده فرعي فمنتدي علشان عرض المشاطل منفصله

اولاطبعا احساس الزوجه غير احساس اي حد
ولكن كمان واضح ان صاحبه المشكله غيوره علي جوزها اوي موش عارفه ان ممكن يكون بيتهيألها بعد المواقف او بتخدها بمحمل تاني الله اعلم هيا ادري وحده

بس كل الي اقدر اقوله انها متحولش تححس جوزها بشكوكها تماما ولما تيجي سيره المرأه التانيه فأي حوار
تحاول تبين انها كبيره عنهم وانها بتعتبرها زي والدتتها حتي لو موش بينلها ده وطبعا بطريقتها هيا
وبكدا حتلفت نظر جوزها ان دي شخصيه اكبر منننا ففي امور مينفع نختلط بالكلام فيها

انا كمان مستغربه الست التاني انها اساسا بتتكلم فخصوصيات واسرار بيتها معاه ولمجرد انه ابن صحبه والدتته
اكبر غلط طبعا
صاحبه المشكله تحاول تبين لجوزها بعد ما تسمع منه الي بيتكلمو فيه
ان هيا مستغرباها يعني انها ازاي تتكلم علي اسرسار بيتها وانها لو فمكانها عمرها ما حتعمل كدا وخصوصا انها بتشتكي لراجل موش وحده ست وان في حرمانيه لكدا كمان

وطبعا متسالأهوش اتكلمتوا فايه وكدا ولا تدييها اي اهتمام قدام جوزها

لوجي
01-16-2014, 06:38 PM
المشكله التانيه صعبه من الاول
لان لو دخل حاله الملل بين الزوجين بتبقي مصيبه
المشكله للاسف ان كان في سؤ في ااختيار الزوج

الله اعلم هو بيعمل كدا ليه ومقدرش اقول انهم لسه علشان متجوزين مخدوش علي بعض
لان مفروض الكلام ده بيبقي في ياختلاف عادات كل واحد فيهم
لكن موش فحنيه او اهتمام بالعكس دا مفروض يكون اكتر حاجا فاول الجواز

الله اعلم برده هيا مهتميه بنفسها بالشكل الي هو عايزة ولا لاء
او بتعمل تغير فحياتها ولا لاء تلفت بيها نظره
وللاسف في نوع من البشر كدا لما بتفضلي تتدي وتددي وتديدي
بيدوه اكنه حق مكتسب هو ممكن يكون طمعان منها فالزياده
تحاول تفتح مجالات فالكلام مختلفه تحاول تناقشه فاموره مكنتش فحياتهم قبل كدا
تحاول تشاركه فحاجات كتير
ولو فشلت فكل ده تبدأ تتكلم معاه بصراحه عن سبب تغيرة خصوصا ان هو قالها انك موش مقصره يبقي تسالأه في ايه
مغيرك

أم البدرين
01-16-2014, 06:44 PM
جميييييييل يا لوجي
ربنا يبارك فيكي

بنت مميزة
01-17-2014, 12:29 PM
http://alkaif-lab.com/vb/mwaextraedit4/extra/55.gif

نمنمن
01-17-2014, 01:17 PM
بالنسبة للمشكلة التانية
دى مشكلة كبيرةاوى
وانا كنت فى نفس المشكلة فى اول زواجى
فى انواع من الرجال بتعتبر ان مجرد الكلام مع الزوجة او الحوار فى اى شىء او النقاش او اظهار الاهتمام بيعتبروه دلع من الزوجة

وكمان مجرد ان الزوج يحس ان زوجته تعبانة او مرهقة بيعتبرها بتدلع وانها مش بتبذلل مجهود يستحق التعب
بالرغم من ان الزوجة بتكون محتاجة تسمع كلمة حلوة تخليها تستعيد نشاطها وحياتها تانى
وبالنسبة للزوجة انا بقولها ان زوجك طبعه كدة ومش قاصد يهملك ولا حاجة
انما الوضع هيتغييييييييير كتييييييييير اوى لما تولدى والبيبى يجيى بالسلامة
لانك هتنشغلى بالبيبى اوى ومش هتفكرى فى اى شىء تانى
بس برضه هيجى اوقات تحسى انك محتاجة ان زوجك مقدرك ومقدر تعبك ومهتم بيكى
من رايى حاولى تاقلمى نفسك مع الوضع
وربنا ييسرلك امرك

جنى
01-18-2014, 05:20 PM
راي ياام البدرين بالمشكلة دي انه الموضوع وقتي اي زوجين بياخدوا وقت على مايفهموا بعض ويعرفوا مشاعر بعض ويحترموها ويقدروها كلا الطرفين فيه حاجة كمان اسمها عشرة ربنا بيزرعها بقلب كل زوجين فبتاخد وقت على مابذورها تكبر وتنمو فهي تصبر وتحاول تقرب من زوجها وتتحمل
كمان كل انسان ربنا سبحانه وتعالى بيجعل له نصيب من الابتلاء بيرقي بيه درجاته بالجنة
يمكن يكون ده نصيبها من البلاء فتصبر وربنا وعد بعد الصبر بوفاء الاجر
نصحتي تلتزم بالدعاء والاستغفار وانها تقرب من زوجها وتحاول تفهمه تكون ام وصديقة وزوجة وحبيبة وابنة وباذن الله بمرور الوقت مشكلتها تتحل
بالتوفيق

أم البدرين
01-19-2014, 07:11 PM
الحلوة لسه صغيرة .. صغيرة

:girl::girl::girl::girl:

ازيكو يابنات
انا عندى مشكلة بسيطة كده بس عايزة اخد رأيكو
انا لسة صغيرة على فكرة عندى 16 سنه
فى اولى ثانوى عام ادعوولى
المهم انا صاحب بابايا هو ومراته وولاده عارفينا وكده وكنا بنزور بعض ساعات وزى القرايب
عندهم ابن عنده ابن 22 سنه تقريبا
فكان معجب بيا وكده وكان بيشوفنى من وانا فى اعدادى بس كنت لسة صغيره ومكانش ينفع يفكر فيا حتى طبعا
لكن دلوقت انا كبرت وشكلى اتغير وزى ماتقولو كده عودى فار يعنى فخد باله منى ومامته كانت بتلمح كتير لمامتى انها عايزانى ليه وكده
المهم الموضوع لحد فترة معينه كان كلام وتلميحات لكن دلوقت الموضوع دخل فى الجد شوية ومامته اتكلمت مع مامتى رسمى وكلمتها بوضوح و هو كلمها
انا مامتى موافقتش على اى حاجة طبعا وهى من الاول وهى بتصدهم عشان عارفة ان انا لسة صغيرة ومينفعش اى كلام يحصل دلوقت
وهم قالو انهم ممكن يستنو شوية وكده على مالااخد الثانوية
ومامتى اقتنعت شوية وبابا برضو طالما هيستنو
ودلوقتى المفروض انا اقولهم رأى
انا متردده بصراحة لأنى شايفة انى لسة صغيرة برضو و حاسة انى هتدبس بدرى
لانى حتى لو هيستنو انا كده هبقى خلاص يعنى زى ما تقولو اتحجزت له
وانا خايفة على ماخلص الثانوية وكده ابقى عايزة اغير رأى وطبعا ساعتها مش هينفع
يعنى هبقى محنطاه جمبى وفى الاخر نقولهم خلاص فضو الموضوع
وهم شاريينى جدا وواخدين الموضوع جد وبيقولوا انهم يعرفونا كويس ويشرفهم انى ابقى لإبنهم واننا نبقى عيله واحده ومش هيلاقو زينا ابدا والكلام ده
وبينى وبينكو انا مرتحاله اوى ومرتاحة لاهله لانهم ناس محترمين جدا وهو كمان ميتعيبش ويعرف ربنا وبيصلى ومش من بتوع اليومين دوول وشخصيته عاجبانى
ولو عليا عايزة الموضوع يتم بس متردده من حكاية انى هبقى محجوزه له دى

نمنمن
01-19-2014, 09:39 PM
انا من رايى بفضل الزواج المبكر
طبعا لازم تكون البنت والشاب قد مسئولية الزواج
وبقول لصاحبة الشكوى لو هى من النوع المتقلب وممكن تغيير رايها لظهور فرصة افضل او شخص اخر يبقى ترفضى من دلوقتى
انما لو انتى مقتنعة بالشاب ده وعلى دراية كاملة انه مناسب ليكى يبقى ربنا يتمم بخير
بس اكيد انتى لسا هتدخلى الجامعة
يعنى هتكون فترة كبيرة اوى وممكن يحصل فيها مشاكل وتجاوزات الا اذا كنتى هتتزوجى وتدرسى بنفس الوقت

وربنا ييسرلك الخير حيث كان